مين اعتدى على البرادعى

اليوم كان جميل من أولة مشهد نادرا او مستحيلا ان يتكرر استفتاء بلا زبانية الحزب الوطنى امام اللجان بلا عساكر شرطة وامناء شرطة يعتقدون انهم فوق الجميع بلا امن دولة ركزوا فى دى اوى بلا امن دولة الكل خارج عارف هيقول اية نعم او لا هيقول بلاخوف اول مشاهد لفتت الانتباة وجود رجال الجلباب القصير واللحة الطويلة امام لجان الانتخابات فى مشهد نراة لاول مرة فى تاريخ الاستفتاءات او الانتخابات ويقفون جنبا الى جنب مع رجال جماعة الاخوان اعداء الامس اصدقاء اليوم والمفاجأة انهم اشتركوا فى جمع سيارات تجوب الشوارع لحث الناس على المشاركة طبعا بنعم اليوم كلة كان جميل المفروض ان نتيجة الاستفتاء غير معروفة كالعادة بمعنى مش هتتزور وان كنا عارفين انها هتكون بنعم لما يخرج الاخوان وهم اعدادهم كبيرة والسلفيين واعدادهم كبيرة وكمان معاهم بقايا النظام الفاشل والحزب الاوطنى ونجاحهم فى اقناع العامة ان نعم طريقها يودى للجنة ولا طريقها للنار يبقى النتيجة معروفة لكنها بلاتزوير بمعنى اللى فى الصندوق اعلن كما هو كعس السابق كاة نقول لا يعلنوها نعم نختار فاروق ينجح عباس والحمد لله الثورة جابت نتائج ودى اولها يعنى البرادعى وجمعيتة الوطنية للتغير اول ناس وقفت وقالت لا للغول ابو عين حمرا من غير خوف يعنى الشرارة كانت من الراجل المحترم دة يبقى من اعتدى على البرادعى فى اليوم اللى المفروض يكون احتفال بة البعض قال شباب اخوان وانا طبعا ارفض دة لان شباب الاخوان كان ضمن جمعية البرادعى ناس قالت سلفيين وناس تانية قالت بلطجية الحزب اللاوطنى وانا بؤيد دة بشدة لان هما الناس دى اكتر ناس تعرف ان البرادعى من اطلق شرارة طردهم من الحياة السياسية وهيظل البرادعى نقطة بيضاء عند الثوار سوداء فى عيون النظام واتباعة واليوم باسم اسرتى الصغيرة اللى شاركت كلها فى ثورة التحرير اقدم خالص التحية والشكر للدكتور البرادعى واطالبة بتكملة المشوار حتى نسترد مصر كاملة كاملة مش على طريقة المعاهدات والترقيع والتحالفات اللى نعرفها كويس عزيزى دكتور برادعى الاعتداء عليك من هؤلاء لاينقص من حبنا لك بل يزيد تلك المحبة لانة اعتداء من تابعين لمن نهبوا البلد ودمروها

ساركوزى ومؤخرة هيلارى كلينتون

كان مشهد مثير للجدل وقد لاقى غضب البعض وارتياح شديد للبعض الاخر وانا منهم بالطبع مش علشان انا ولا مؤاخذة يعنى احب انتشار مثل هذة الامور ولكن ارتياحى نوع من انواع الشماتة فى الراجل اللى اسمة كلينتون واللى اتحرش قبل كدة بالست اياها مونيكا فاكرينها بتاع البقعة الشهيرة اللى كل المساحيق ماعرفتشى تشيلها
المشهد كان مثيرا للغاية هبوط هيلاري كلينتون من السيارة متقدمة بلهفة تجاه الرئيس الفرنسي
نيكولا ساركوزي الذي رحب بها على طريقته الخاصة اثناء زيارتها للعاصمة الفرنسية عقب قرار فرض الحظر الجوي على ليبيا وكانت سعيدة للغاية ..

بادر هو الآخر بإظهار الحب والمودة بقبلات ثم بدأت وزيرة الخارجية الأمريكية في الاقتراب منه أثناء السلام حتى كاد جسدها أن يلتصق به ويدها على كتفه ثم صعدا السلالم وقام بضرب مؤخرتها بخفة دون أن تبدي أي رد فعل.

ودفعت حرارة الترحيب وسعادة هيلاري صحيفة " دايلي ميل" البريطانية للتعليق على الأمر إذ سلطت الضوء على المشهد خلال فقرة ضمن تقرير عن الوضع في ليبيا وذلك تحت عنوان "الحليفان السعيدان" إذ بدت هيلاري في الصورة متجهه نحو الرئيس الفرنسي نيكولا ساركوزي وهي منتشية فاتحة ذراعيها وثغرها مبتسم يكاد ينشق من فرط السعادة وذلك قبيل إلقاء رئيس فرنسا كلمته بشأن الوضع في ليبي

أأمة المساجد تدعوا للمشاركة فى الاستفتاء وتؤكد ان نعم افضل من لا

خطبة الجمعة اليوم كانت مخصصة للدعوة الى المشاركة فى الاستفتاء ودة شيئ جميل وشيئ ايجابى من الأفاضل مشايخ الاوقاف والكل اجمع على ان المشاركة شهادة لله وكتم الشهادة اثم يحاسب علية المرء وكل دة حلو وجميل خالص بس اللى مش حلو ان الأأمة رغم ان امن الدولة راااااح فى 600 داهية ومافيش تعليمات ولا خوف منهم على الاقل فى الايام دى قبل ما يتلموا ويرجعوا تانى تحت مسمى جديد قد ركزوا على التلاعب بالالفاظ ومحاولة افهام المصليين ان نعم هى الافضل من اجل الامن والامان وقد تناسوا هؤلاء ان عدم الخروج للتظاهر كمان كان افضل من اجل الامن والامان وزى ما الاخوة السلفيين ما كانوا بيقولوا ان التظاهر دة حرام شرعا والخروج على الحاكم لايجوز والعبارات اياها دى دلوقتى بيشاركوا وهيترشحوا فى الانتخابات انا بس عاوز اقول للأفاضل دول اللى كل ما اتكلم مع حد منهم يقول امن الدولة بيضغط علينا واحنا بنتبهدل لما يستدعونا واللى ايدة فى المية مش زى اللى ايدة فى النار عاوز اقولهم نعم دى هترجع لكم امن الدولة لانها هترجع الحزن الوطنى والحزن الوطنى مش هيعرف يشوف مصالح البلد الا بأمن الدولة وامن الحزب وامن الرياسة وامن الامن والعيشة هترجع تانى للنقطة صفر امتى هيكون لكم دور فعلى بلا تعليمات وهيكون فكركم من داخلكم ومش خارج من ورقة من الاوقاف ولا ورقة من الامن

الاخوان بيخوننا ولما اختلفنا معاهم هيكفرونا

يانهار اسود من ايام امن الدولة الاخوان اللى كانوا معانا فى التحرير وكانوا رافضين كل اللى قالوة بتوع الحزن الوطنى عن الاجندات والكنتاكى واليورو اللى عمرى ماشفتة ونفسى اشوفة قبل ما اودع اصل انا كان لى امنيتين 2 فقط الاولى انى اشوف ريس غير اللى اسمة مبارك دة والتانية ان اشوف اليورو دة نرجع لموضوعنا علشان نركز الاخوان قالوا ان الاتهامات دى اسلوب الحزب الوطنى وبصراحة وكلمة حق انا كنت فى التحرير وسط مجموعة كبيرة من الاخوان ولا انكر ان لهم دور كبير فى التحرير بس مش اكتر من الشعب والشباب اللى لايعرف اخوان ولا يعرف احزاب تانى نرجع لموضوعنا حد يفكرنى كل شوية ياجماعة ننجز بقى الجماعة بتوع الاخوان ابتدوا يوزع ورق بالمطالبة بالتصويت بنعم ماشى دة حقهم وحق اى حد يقول نعم يقول لا حرية واحنا بنادى بالحرية انما يعلق لافتات تقول نعم حلال شرعا ولا حرام يبقى كدة من اولها هندخل الحلال والحرام طب بامارة اية حرام ومين المحلاوى دة صاحب الفتوى عموما اهى الصورة هنشرها حد يطلع يقولى لا من الاخوان ماحصلشى مستنيكم على كافى ايوب وان كان الاخوان مابيرحوش الكافى هستناهم فى الفيس بوك بس حد يرد ويقولى الفتوى دى لييييييية

الكدب حصرى

مسؤل امريكى بارز يؤكد ان ثروة مبارك تم التحفظ عليها وهى 31 مليااااااار دولار اة قال كدة 31 ملياار دولار واشتغلت الاتصالات ومبارك قال لاوباما كدة يا اوبا اخرتها اخدم فى مصالحكم 30 سنة وتتخلوا عنى وكمان تتطلعونى حرامى يعنى افضح انا كمان واقول عملت ليكم اية فى المنطقة وازاى ساهمت معاكم وقدمت لكم راس صدام وحطيت رجليكم الاتنين فى المنطقة يبقى اخرتها تطلعونى حرامى امام الشعب مش كفاية جمال وزهرة الخشخاش انا هدافع عن جمال ولا علاء ولا عن سوزان وطبعا اوباما أتأثر اوى بكلام الراجل العجوز وقالة عندى حل وحيد ان فلوسك تروح للشعب الامريكى الغلبان ونطلع حد ينفى الخبر دة بس مالكش فلوس عندنا ووافق مبارك وامريكا اخدت الفلوس وطلبت من احد موظفيها يطلع يقول سورى ياجماعة الراجل اللى طلع وقال ان مبارك تمت مصادرة اموالة كان يقصد القذافى انتم عارفين الراجل مابيعرفش يتكلم انجليزى كويس ومعرفشى يقرأ القذافى قرئها مبارك ومعرفشى يقرأ ليبيا قرئها مصر ومعرفشى يقول اطمن الشعب الليبى اننا تحفظنا على اموالة قرئها اطمن الشعب المصرى واحنا كدة المفروض نصدق الكلام دة ونلتمس كل الاعذار للمسؤل البارز الامريكى اللى اللغة الانجليزية عندة مضروبة وبيشوف الكلام مقلوب وليبيا بتظهر امامة مصر والقذافى بيظر لة مبارك ؟؟؟؟؟؟؟؟؟؟ بس بصراحة الراجل دة اللى كان حاكمنا واللى اسمة مبارك بقول مبارك اهو علشان محدش يقول اقصد القذافى لا مبارك لسة ايدة طايلة وطايلة فين فى امريكا خلها تكدب علنى علشان سواد عيونة ياترى الدور جاى على مين فى الكدب بريطانيا ولا سويسرا هنستنى نشوف مبارك افندى دة ايدة طايلة لحد فين

ريحونا من شلة الفساد

الثورة تعنى اول ما تعنى تغيير فى السياسات وهذا ما لم يتحقق حتى اللحظة بإستثناء بعض المواقع لطبيعة الأشخاص الذين شغلوها وأذكر منهم تحديداً نبيل العربى وجودة عبد الخالق وإلى حد ما منصور العيسوى وهذا الأخير كان مضطراً إستجابة للشارع المصرى أما الباقى فلا احسب أن هناك تغييراً يذكر فى أى من السياسات بدليل أن رئيس تحرير الأهرام لازال قابعاً فى مكانه !! وأن ضخ الغاز قد إستؤنف إلى إسرائيل !!

إننى من هذا المنبر أطالب المستشار النائب العام أن يصدر وعلى وجه السرعة قرارات بما يلى :-

أولا ً : تحديد إقامة السيد الامين العام السابق للحزب الوطنى الديموقراطى وتوجيه إتهام له بإفساد الحياة السياسية .
ثانياً : تحديد إقامة السيد الامين المساعد وامين السياسات السابق للحزب الوطنى الديموقراطى وتوجيه إتهام له بإفساد الحياة السياسية .

وهنا لابد أن أشير إلى أن فساد الحياة السياسية وما يترتب عليه من فساد المجتمع جريمة أراها أكثر بشاعة من جريمة الإستيلاء على الأموال وهذا يقتضى ما طالبت به خاصة وأن هناك أنباء تتعلق بإجتماعات تتم فى الخفاء ولابد أن يطمئن هذا الشعب على أمنه وامله فى المستقبل وهذا لن يتحقق إلا بالقضاء على الجرذان داخل الجوال وخفافيش الظلام التى تجيد اللعب والعبث فى الظلام .
ثالثاً : عزل رئيس ديوان رئيس الجمهورية من موقعه . لانه الشخصية الأخطر !!ً

وأطالب المجلس الاعلى للقوات المسلحة بإعادة النظر وعلى وجه السرعة فى قانونين الأول يتعلق بوظيفة رئيس ديوان رئيس الجمهورية والآخر يختص بتعيين سفراء من غير السلك الدبلوماسى حيث تمت الموافقة على قانونين من خلال مجلس سيد قراره فى توقيت ينافس ( الفيمتو ثانية ) !!

القانون الأول يستثنى وظيفة رئيس ديوان رئيس الجمعورية من أى قواعد وظيفية معمول بها ويعتمد إعتماداً كلياً على رضى السلطان الحاكم فالوظيفة دائمة ما دام السلطان راض

والقانون الآخر يعطى الحق للسلطان الحاكم فى تعيين سفراء من غير العاملين بالسلك الدبلوماسى بإختصار تقنين لمبدأ مكافأة نهاية الخدمة لبعض من السادة المحظيين !!

أكرر مناشدتى للمجلس الأعلى للقوات المسلحة والسيد المستشار النائب العام الإستجابة لما طالبت به لأن هناك حالة قلق بدليل أن هيئة الإستعلامات لازالت ترسل تقريرها اليومى إلى الرئيس المخلوع !!

من حق هذا الشعب أن يأمن على غده وعلى مستقبله وهذا لن يتحقق إلا إذا تأكد هذا الشعب أن الجرذان والخفافيش قد تم تحديد إقامتها بحق وان ما يتردد على أن ( الوريث ) لازال طامعاً فى ( الإرث ) لا مجال له من الصحة وهذا لن يتحقق إلا بحرمان هؤلاء الذين أشرت إليهم من حق مباشرة حقوقهم السياسية لأنهم أفسدوا الحياة السياسية وإفسدوا المجتمع وإستباحوا لأنفسهم كل أشكال الفساد بدءاً من الرشوة وإنتهاءاً بالتحريض على القتل !!

فى النهاية , فإننى أدعوا الجميع من أبناء وطنى بضرورة التحلى بالإيجابية والمشاركة فى هذا الإستفتاء سواء بالقبول أو بالرفض , حتى نستطيع أن نخطوا أول الخطوات نحو حياة ديموقراطية سليمة .. وعلينا أن ندعوا جميعاً بكل السلامة ودوام الخير لوطننا الغالى مصر