قوللى مين فى الهوا
نابه اللى نابنى وتاب
ياسكنة قلبى وساكنك
وانتى لسه شباب
كان لسه توبك مطرز
بالخضار والطمى
واقفة اصاد الزمن
تستنى بكره الجى
وفارشة جحرك دفا
ع المسطبة والغيط
اشم ريحتك تسابقنى
لحضن البيت
واشوف صورتك فى
كل وشوشنا يوم ورايوم
ماغبتش لحظة
ولو حتى ان غلبنى النوم
تجينى فى المنام
واقفة بتوب اخضر
واشوف نفسى
فى ريح منك
على منبر
وكل الناس بتهفتلك
وبتنادى
تضميهم بضمة امى
لولادى
وفجأه صحيت
على الدمعة اللى فى عيونك
وصرخة آه تزلزلنى
يانكره بأنى محبوبك
ابص لصورتك
الحلوة اللى ملقتهاش
وبسأل عنى فى الزحمة
تقول ان مجاش
لمحت بعينى
كام منظر ورا البرواز
وشفتك شابة
بتعرج على العكاز
وأحلامنااللى
تتحقق لناس تانية
احنااللى كان
عزمنا بيحبل الثانية
تولدسعات ينعجن
فيهاالعرق والكد
نبدرها تطرح بنا
عمر الأمل ماانهد
كنت استمدالشموخ
منك واناحابى
ياسمرة فين شمختك
انالسةبشبابى
شايل فى ايدى القلم
والمطرقة والفلس
ولسه ريحة العرق
بتزاحم الأنفاس
متعرجيش واصلبى
عودك على عودى
انالسه لون التراب
مطلى على خدودى
قومى البسى ترحتك
وطرزى الفستان
الذاى جعان يطعمك
او يسترك عريان
ماتفرقيش شملنا
وتهجرى الأعتاب
دامكنش من طبعنا
نستعطف الأغراب
