لحظة من فضلكم

الاخوه الافاضل الداعين لتطبيق الشريعة أعلم كما تعلمون ان مصر تعانى أشد المعاناة من حالة فساد عام اخلاقى وسياسى أعلم كما تعلمون ان مصر بها العديد والعديد ممن يشهدون الزور مقابل جنيهات معدودة أعلم كما تعلمون ان مصر بها من النسوة من تتاجر بشرفها وعرضها مقابل لقمة عيش أعلم كما تعلمون اخلاق بعض النسوة التى كان يتم الزج بهن فى الانتخابات لارتكاب أعمال غير اخلاقية مع النساء تعلمون أكثر مما أعلم حال الشعب الفقير اللى تربى على افلام المشبوة وامرأة واحدة لاتكفى وحالة تلبس وارجوك اعطنى هذا الدواء والسؤال هنا هام ومهم ولو واحده ست ممن تم ذكرهن رمت بلاها عليك واتهمتك باغتصابها ولا بالتحرش بيها وتم جلدك او رجمك ظلم هتبقى بتشعر بايه ؟؟؟؟؟؟ لو اتهمك احد ممن تربوا على هذة الافلام اتهمك بالسرقة واحضر معه اثنين شهود خريجين نفس هذة المدرسة التى تربى فيها من اتهمك وشهدوا زور عليك وتم قطع يدك تعالوا نعلم الناس الفضائل الاول تعالوا ننشر العداله الاجتماعية الاول تعالوا نبنى مجتمع جديد والكل يكون فيه سواء وبعدين نطالب بتطبيق الشريعة السوال الهام والمهم الشرطة اللى موجودة دى مش هى اللى هتحقق فى جرائم السرقة وفى بلاغات الزنا والاتهام بالاغتصاب !!!! طب مش دى الشرطة اللى قالت عليكم ارهابين !!!!!!! تحقيق العدل يحتاج ناس تكون أهل له الشرطة اللى كانت بتقبض عليكم وتلفق لكم التهم والقضاء اللى كان بيحكم عليكم دلوقتى عاوزينهم يحكموا ويتحكموا فى الشعب باسم الشريعة وباسم الدين ؟؟!!!!! المخبرين اللى فى اقسام الشرطة فى كل محافظات مصر مش هما المخبرين اللى بتكتب تقارير عن الجرائم انتم اعلم منى كيف يكتبونها ؟ هل هؤلاء امناء فى تقاريرهم هل بتقرير احد هؤلاء ممكن نقيم حد من حدود الله على اى انسان ! اتمنى التعقل فى طلب الشيئ ودراسة عواقبة غلى مجتمع للاسف غارق فى الفساد وبشهادة كبار علمائكم ! اهتموا بتربيه اجيال جديدة تكون قادرة على تحقيق العدل وتعالوا وقتها نطلب جميعا بتطبيق الشريعة واقامة الحد على الجميع فى دوله العدل وقتها ياترى يكون الاحساس ايه وقتها ؟؟؟؟؟ على فكره الشريعه كلها بتطبق فى مصر الا فقط فى حالة الزنا او السرقه فتم استبدالها بالسجن لحالة الفقر ورمى البلا اللى فى الزمن ده لانهم من القضايا اللى ممكن ينظلم فيها ناس كتير جدا لانها قضايا هلاميه .... وعقوبة السجن بتعطى الفرصه ان المتهم ممكن تظهر براءته خلال قضاءه للحكم .... لكن لو انقطع ايده او انجلد او اترجم هيرجعله حقه ازاى ؟ ..................................وللحديث بقية :.ابراهيم شرف الدين