تعرف تحب مصر وتحب نفسك
بالايجابية هتحب مصر اللى هى بلدنا كلنا
فكر معانا ازاى نشيل الصورة السلبية اللى فى قلوب المصريين و فى أفكارهم .. ازاى نصنع منهم ناس بتحب مصر بجد ..
ليه عمالين نسمع انا عايز اسافر عايز اهاجر عايز ابعد.. وعمرنا ما سمعنا أنا عايز أبنى .. أنا عايز أشتغل فى بلدى .. أنا عايز أصنع مستقبل أفضل .. أنا عايز أبقى أحسن و فعلاً هبقى أحسن ..
ليه الشاب مايحلمشى يبقى وزير ولا سفير ولا ليه ميحلمش يبقى عالم عشان مصر قبل ما يبقى عشان نفسة ؟؟
لية ابنك وابنى رغم تفوقهم القهوة والشارع يكونو طريقهم
مش لازم ابن الظابط يكون ظابط ولا ابن الوزير وزير بينا نشارك ونتخلص من قوانين ولوائح استفادوا هما منها كتير
بينا نقول لا للى بياخدوا الاف وسيبينا ناخد ملاليم
دى بلدنا زى ماهى بلدهم وشهادتنا يمكن احلى واعلى منهم بكتير
الفرصة جاتنا نغير ونتغير احنا زهقنا من اللى فاكرينا مش بنى أدمين
لاحنا خونة ولا مأجورين هنطالب بحقنا حتى ان قالوا ارهابين
الارهابى وهم صنعوة باسمة جابلونا قوانين تحميهم ويستعبدونا ليوم الدين
احزبنا ورقية عملوها لعبة عسكر وحرامية والقرارات مليانة وممضية
اللى معاهم فى تليفزيونهم بيشارك واللى معانا دايما متهم بالخيانة
اراضينا نهبوها وزراعتنا دمروها حتى فلوس علاجنا شفطوها
اية يامصرى مالك امتى هتكون فى مكانك ولامتى هتخبى لسانك
اصرخ قول اتكلم دى بلدنا وشبابنا خلاص اتعلم
شارك معنا فى النظر بعين أمل و وفاء لمصر .. شارك بنظرة تأملية لجمال مصر و أهلها .. لعزة مصر و أرضها ..
من اجل مصر كن ايجابى من اجل نفسك من اجل كل مصر
